Accepted Repentance

We have all had the experience of failing time after time in changing old habits. Then suddenly these old habits lose their hold on us. What was so attractive suddenly becomes unattractive. This is a sign that God has accepted our repentance.
At this point, my sheikh used to say that we are no longer responsible for those old sins. We have truly changed and we are now someone who is not even tempted to commit them.

(Robert Frager, Heart, Self & Soul, The Sufi Psychology of Growth, Balance and Harmony p. 71)

Maturity

Dunya mai larkiou se ehmaq aur koi ho bhi nai sakta. khus fehmi ka aaghaz aur ehtutam hum per hi hota hai.. Sari umar ham muhabat ki baisakhiou ka intuzaar karti rehti hain ta k zindagi ki race shuru kar sakain.n ...hamain har mard k bary mai khush fehmia.n rehti hain, k wo aiey ga humain dhaiky ga aur humara ho jaiey ga.. koi ham se hamdardi kary tou hamin khush fehmi hoany lagti hai- koi hami surahy tou wo hamain apni muthi mai qaid nazar aany lagta hai, koi hamary sath waqt guzary tou hamary hosh-o-huwas apny thukany per nhin rehty.. Kabhi larkia.n bhi mature ho sakti hain? ham mai Maturity sirf tub aati hai jub hamain iss tarha reject kia jata hai, jaisy abb mai mature ho gai hun....

(in "Amar Bail" by Umara Ahmed)

Compromise

Zindagi main aik cheez hoti hay jisay Compromise kehtay hain.... pur-sakoon zindagi guzarnay k liay is ki bohat zaroorat parti hay... jis cheez ko tum badal na sako is k saath compromise ker lia kro, mager apni kisi bhi khuahish ko kabhi bhi janoon mat bnana, keon k zindagi main kuch cheezain aisi hoti hain jo hmain kabhi nahi mil sakteen...chahay hum roain, chillain,,,ya bchon ki tarah airian rgrain...wo kisi dosray k liay hoti hain... magar is ka yeh matlab nahi k zindagi main hamaray liay kuch hota hi nahi... kuch na kuch hmaray liay bhi hota hai...


(In "Amar Bail" by Umaira Ahmed)

Khawahishoon Ki Diwar

Mummy, aapko pata hai Mujhe ALLAH kiun nahi mil sakta.... merey aur ALLAH ke darmiyan Khawahishoon ki diwar hai..
Aasaiyshoon ki diwar hai... main ne apne irdgird duniya ki itni cheezein ikathi ker lii hai ke ALLAH tu mere pass aaa hi nahi sakta...
Jisse Woh apni Mohabbat de deta hai isse phir aur kisi cheez ki khawahish hi nahi hoti
aur jisse duniya deta hai usski khawahish bhook ban jati hai kabhi khatam hi nahi hoti...

(In "Shehar-e-Zaat" by Umaira Ahmed)

Love

"Love is patient and kind. Love is not jealous or boastful or proud or rude. Love does not demand its own way. Love is not irritable, and it does not keep record of when it has been wronged. It is never glad about injustice but rejoices when truth wins out. Love never gives up, never loses faith, is always hopeful, and endures through every circumstance. Love will last forever"

(The Holy Bible; 1 Corinthians 13:4-8a, NLT Version)

Furaar

Furaar aasaan nahi hoata, na zindagi se, na qismat se, na unn harkatoon se jo hum khud ko aqal-e-kul samjh kar kartay hain... Har shakhs ko girnay k liye thokar khanay ki zaroorat nahi hoti... Baaz thokar lagay baghair hi gir jatay hain... Phir unhain utha’nay k liye koi hath bari mushkil se hi aagay barhta hai....

(In "Buss Ek Dagh-e-Nadamat" by Umaira Ahmed)

Allah

Zindagi main baaz dafa hamain pata nahi chalta k hum tareeki say bahir aaye hain ya tareeki main dakhil howay hain... Andheray main simt ka pata nahi chalta magar aasmaan aur zameen ka pata zaroor chal jata hai balkay har haal main chalta hai... Sar uthanay par aasmaan hi hoata hai... Nazar aaye na aaye... Sar jhukanay par zameen hi hoti hai, dikhai dai na dai magar zindagi main safar karnay k liye sirf chaar simt’oon hi ki zaroorat parti hai... Daa’ain, baa’ain, aagay, peechay. Panch’ween simt pair’oon k neechay hoti hai. Wahan zameen na ho tu paa’taal aa jata hai.Paa’taal main pohanchnay k baad kisi simt ki zaroorat nahi rehti....
Chatti simt sir say opper hoti hai. Wahan jaya nahi ja sakta. Wahan ALLAH hota hai. Ankhoon say nazar na anay wala magar dil ki har darkhan, khoon ki har gardish, har anay janay walay saans, halq say utarnay walay har niwala k sath mehsoos honay wala……..

(In "Peer-e-Kamil" by Umaira Ahmed)

Ecstasy

"Wo andaza nahi kar pa raha tha keh uss raat usey kiss cheez sey zyada khoaf aaya tha.. Maut sey, Qabar sey, ya pher Dozaq sey..
Imama ney kaha tha ECSTASY keh baad PAIN hoti hai.. Maut PAIN thi..
Uss ney kaha tha PAIN keh baad NOTHINGNESS hogi.. Qabar NOTHINGNESS thi..
Imama ney kaha tha NOTHINGNESS keh baad HELL aa jae ga..
Wo wuhan tak pohonchna nahi chahta tha... Wo ess ECSTASY sey bachna chahta tha , jo usey PAIN sey HELL ka safar karney per majboor kar deti..."

(In Peer-e-Kamil by Umaira Ahmed)

Ajheeb Humsafar

"Zindagi mey humarey sath chalney wala har shaks es leye nahi hota keh hum thokar kha kar girey aor woh humey sambhaal ley hath thaam kar girney sey pehley ya bazoo khench kar girney keh baad... baaz loag zindagi keh ess safar mai humarey sath sirf yeh dekhney k lea hotey hain keh hum kab kahan or kesey girtey hain.. lagney wali thokar humarey guthnoo ko zakhmi karti hai ya hathoo ko khak humarey chehrey ko ganda karti hai ya kaproo ko..."

(In "THORA SA ASMAAN" by Umaira Ahmed)

Dua

"Ya Allah! insaan kitna majboor hai." (Washma Hadi Hasan to Allah in Wujood-e-Laraib)

"yahan kharay ho ker Tuj say Anbiya dua manga kertay thay.un ki duaoon main or meri duaoon main bohat faraq ha.. main Nabbi hota tu Nabiyon jasi dua kerta, mager main tu amm bashar hoon, gunahgar bashar.meri khawishaat,meri arzooain sab amm hain, yahan kharay ho ker koi kabhi kisi oarat kay liay nahi roya hoga, meri zilat oar pasti ki iss say ziada intaha aur kia hogi kay main yahan khara, haram-e-paak main khara, aik oarat kay liay girgira reha hoon... mager mujko na apnay dil per ikhtiyar ha na apnay ansooun per, yai main nahi tha jis nay iss oarat ko apnay dil main jaga di.. yai Tu nay kia keun meray dil main uss oarat kai liay itni mohabbat dal di ka main Teray samnay khara bhi ussi ko yaad ker reha hoon? main wo bashar hoon jis ko Tu nay inn tamam khamiyon kay sath banaya.. jis ko Teray siwa koi rasta dekhany wala nahi, aor wo osrat meri zindagi kay her rastay per khari ha... mujahay kahin janay nahi day rehi.. ya Tu usski mohabbat ko meray dil say iss tarah nikal day kay mujhay kabhi uss ka khayal tak na aye, ya phir ussay mujhay dai day.. wo nahi milay gi tu main sari zindagi ussi kay liay rotta rahoon ga, wo mil jai gi tu Teray ilawa main kisi kay liay aanso nahi baha sakoon ga, meray ansooun ko khalis honay day... main yahan khara tujsey paak oartoon main sa aik ko mangta hoon"

(In "Wujood-e-Laraib" by Umaira Ahmed)

Zindagi

"Allah Ta'la har insaan ko zameen par bheej deyta hai aor kehta hai... Ye tumhari azmaish hai, aor ye tumhari umer ki had... Tumko itney saal zameen par iss tarha kay halat kay ssath rehna hai... ye ye masail hain jo tumhen zindagi mai pesh aaingey, ab ro kar inka samna karo ya hans kar inka hal sohney ki koshish karo... Ya in par zindagi bhar matam kartey raho, ye sab tumharey haath mai hai... Behirhaal, tumko in sab ka samna karna hi hai... Hum zindagi kay imtahani kamrey mai beth kar, pedaish sey moat tak mukhtalif qisam kay test dayney kay alawa kuch nahi kar rahey hotey... Har test ka doraniya alag hota hai, usski type alag hoti hai, baaz ka sawal nama zara asan hota hai, baaz ka khasa mushkil, baaz ka sawal nama Syllabus pay phela huwa hota hai, baaz ka mukhtasir jawabaat magta hai... Baaz paper khubsoorat writing mai kartey hain, baaz gandi writing mai, Magar aik baat tou tay hai kay hum sab dey paper hi rahey hain aor ye papers kesey bhi hon, inka Checker aik hi hota hai... Wo merit par puri diyanat-daari kay saath hamen marks dey deyta hai, aor vo checker Allah hai !!

Kamra-e-imtehan mai aaney kay baad shor machaney kay bajaey kay falan ko paper asaan diya gaya hai, falan ko naqal karaey jarahi hai, falan ko kam sawal hal karney hain, falan ko ziyada waqt diya gaya hai, falan ko diya janey vala qalam aor sheet mujhsey behtar hai, falan ko paani aor dusri sahuliat di jarahi hain, falan ko calculator istamal karney ki ijazat hai ya falan ney kitaab kholi huey hai.... Kiya ye behtar nahi hai kay hum sirf aor sirf apney question paper par tawwaja den, usko hul karney ki koshish karen, ye dekhen kay iss mai sey kitney sawal hamen aatey hain aor kitney nahi, aor jo sawal hamen atey hain unka jawab hum kitni achi tarha dey saktey hain.... aor jo nahi aatey unko hal karney kay liye hamen kiya karna chaheye... Kiyonkay hamen khaali paper nahi chhorna khali paper dekh kar hamen marks nahi milengey aor na hi hamara koi uzar mana jaeyga..."

(In "Thora Sa Aasman" by Umaira Ahmed)

Khas Chehray

"Kuch chehrion ko pehchany main zara bhi dair nahi lagti chahy un say humra koi rishta ho yaan na ho.chahy unhien hum 8 min baad yaan 8 saal baad dehkien.chahay unhien hum nay muhabat say dehka ho yaan nafrat say magar ik bar dehknay kay baad woh chehray damgh main naqsh ho jatay hain.pir dobara kabhi zehan say ohjal nahi hotay..."

(In 'Abhi To Maat Baaqi Hai' by Umaira Ahmed)

Replacement of Love

"Kaun kahta hai k kisi se ek baar mohabbat ho jane k baad uss se nafrat ho sakti hai? jo kahta hai wo duniya ka sab se bara jhoota hai... cycle of replacement mein mohabbat ki replacement nahi hoti... khud ko dhoka dene k bawajood ham jante hain k hamare wajood mein khoon ki gardish ki tarah daurney wala naam kiss ka hai... hum uss per ek k baad mohabbaton k dher lagae jate hain, kahte jate hain, abb hum iss se mohabbat kartey hain, abb hum uss se mohabbat karte hain.... laken jo zyada door hota jata hai wo zyada pass ata jata hai... aur phir wo hamarey dil aur dimagh k uss kone mein ja puhanchta hai k agar kabhi usey wahan se nikalna par jaey to phir uss k baad hum ek normal zindagi guzarne k qabil nahi rahte...."


(In "Amar Bail" by Umaira Ahmed)

Peer-e-Kamil

“Peer-e-Kamil koan hota hay?


“Peer-e-Kamil main kamliyat hoti hay..kamliyat un tamam cheezon ka majmooa hoti hay jo aap kah rahay thae, Peer-e-Kamil wo shakhs hota hay jo Dil se Allah ki ibadat karta hay, Naik or Parsa hota hay.. uss ki har Dua qubool hoti hay,iss hud tak jis hud tak Allah chahay..uss k alfaz main taseer bhi hoti hay, wo loagon ko hidayat bhi daita hay magar ussay Alham nahi hota,ussay Wajdan hota hay,Wahi utarti hay us par or Wahi kisi Aam Insan par nahi utarti…sirf Paighambar par utarti hay…1 Lakh 24 Hazar Paighambaron main se har Paighambar Kamil tha magar Peer-e-Kamil wo hay jis par Nabuwwat ka silsila khatam kar diya jata hay…
Har Insan ko Zindagi main kabhi na kabhi kisi Peer-e-Kamil ki zaroorat parti hay,kabhi na kabhi Insani zindagi us mor par aa kar zaroor khari ho jati hay jab ya lagta hay k hamaray labon or Dilon se nikalnay wali Duayain be-asar ho gai hain,hamaray sajday or hamaray phailay huay hath rahmaton or naimaton ko apni taraf mor nahi pa rahay…Yun lagta hay jaisay koi talluq tha jo toot gaya hay phir Admi ka dil chahta hay abb uss k liye koi or hath uthaye,kisi or k lab uss ki Dua Allah tak Pohanchayain, koi or Allah k samnay uss k liye gir-giraye, koi aisa shakhs jiss ki Duayain qabool hoti hon, jis k labon se nikalnay wali il-tejayain uss k apnay lafzon ki tarha wapis na moar di jati hon phir Insan Peer-e-Kamil ki talash shuru karta hay, bhagta phirta hay, Dunya main kisi aisay shakhs k liye jo Kamliyat ki kisi na kisi seerhi par khara ho…….

Peer-e-Kamil ki ya talash Insani Zindagi k irteqa se abb tak jari hay.. yai talash wo khuahish hay jo Allah khud insan k dil main paida karta hay….. Insan k dil main yai khuahish, yai talash na uteri jati to wo Paighambron par kabhi yaqeen na lata… kabhi un ki pairvi or Ata’at karnay ki koshish na karta, Peer-e-Kamil ki yai talash hi insan ko har zamanay main utaray janay walay Paighambaron ki taraf lay jati rahi....

phir Paighambaron ki Ma-boosiyat ka ya silsila Hazrat Mohammad(Sallal Laho Alahe Walay Hi Wasallam)k sath kahtam kar diya gaya… Aap(Sallal Laho Alahe Walay Hi Wasallam) ki ummat k liye Aap(Sallal Laho Alahe Walay Hi Wasallam)k baad kisi or Peer-e-Kamil ki gunjaiysh nahi rakhi gai...

Koan hay jissay ab ya aainda anay wallay zamanay main Hazrat Mohammad(Sallal Laho Alahe Walay Hi Wasallam)se barh kar koi muqam diya jaye???

Koan hay jissay Aaj ya ainda anay walay zamanay main kisi shakhs k liye Hazrat Mohammad(Sallal Laho Alahe Walay Hi Wasallam) se barh kar Kamliyat de di jaye????

Koan hay jo Aaj ya ainda anay walay zamanay main kisi Shakhs k liye Hazrat Mohammad(Sallal Laho Alahe Walay Hi Wasallam)se barh kar Shafa’at ka dawa kar sakay???

Jamid or mutaqil khamoshi k surat main anay wala “Nafi”main ya jawab ham se sirf aik sawal karta hay….

Peer-e-Kamil(Sallal Laho ALahe Walay Hi Wasallam) ko chor kar ham dunya main or kis wajood ko khojnay nikal kharay huay hain?? Peer-e-Kamil(Sallal Laho Alahe Walay Hi Wasallam)k Bay’at Shuda hotay huay hamain doosray kisi Shakhs ki Bay’at ki zaroorat rah gai hay????

Peer-e-Kamil(Sallal Laho Alahe Walay Hi Wasallam)k rastay par chalnay k bajaye hamain doosra koan sa rasta apni taraf khainch raha hay???

Kia Musalmanon k liye Aik Allah, Aik Quran, Aik Rasool(Sallal Laho Alahe Walay Hi Wasallam) or un ki Sunnat kafi nahi????

Allah us k Rasool Mohammad(Sallal Laho Alahe Walay Hi Wasallam)or uss ki Kitab k ilawa or koan sa shakhs ,koan sa Kalaam hay jo hamain Dunya or Akhirat ki takleefon se bacha sakay ga????

Jo hamari Duaoon ko qabooliat bakhshay,jo ham par naimatain or rahmatain nazil kar sakay??

Koi Peer-e-Kamil ka firqa(sect) bata sakta hay???Nahin bata sakta”

“Wo sirf Musalman thay, wo musalman jo yai yaqeen rakhtay thay k agar wo Sirat-e-Mustaqeem par chalain gai to wo jannat main jayain gay, sus rastay se hatain gai to Allah k Azab ka nishana banain gai..
or Sirat-e-Mustaqeem wo rasta hay jo Allah apnay Paighambar(Sallal Laho Alahe Walay Hi Wasallam)k zariye Quran Pak main batata hay, saaf, do toak or Wazah Alfaz main… wo kaam karain jis ka hukam Allah apnay Rasool(Sallal Laho Alahe Walay Hi Wasallam)k zariye daita hay or uss kaam se ruk jayain jis se mana kia jata hay…..

Allah, Hazrat Mohammad(Sallal Laho Alahe Walay Hi Wasallam) or Quran kisi baat main koi abham nahi rakhtay..
Quran ko kholiye,agar us main kahin do tok or ghair-mubham alfaz main kisi doosray Peer-e-Kamil ya Paighambar ka zikr milay to us ki talash kartay rahiya or agar aisa kuch nazar nahi ata to phir sirf khof khaiye k aap apnay pairon ko kis daldal main liye ja rahay hain… apni 50,60 Sala zindagi ko kis tarha apni ubdi zindagi ki tabahi k liye istemal kar rahay hain,kis tarha Khassaray ka soda kar rahay hain.. Hidayat ki talsh hay?

Quran kholiye.. kia hay jo wo aap ko naho bata daita.. wo aap ko masoom, anjan or ba-khabar nahi rahnay daita… aap ka asal aap k monh par de marta hay.. Kia Allah Insan ko nahin janta hoga??? uss Makhlooq ko jo uss ki Arbon, Kharbon(Million,Billion) takhleeqat main se aik hay…

Dua qabool nahi hoti to asar or waseelay talash karnay k bajaye sirf hath utha lijye, Allah se khud mangain… de day to shukar karain, na day to Sabar…………..magar hath aap khud hi uthayain..

Zindagi ka qareena or saleeqa nahi araha to Aswa-e-Husna(Sallal LahoAlahe Walay Hi Wasallam)ki taraf chalay jayain,sab kuch mil jaye ga aap ko
Aihtram har aik ka karain…….

har Wali ka, har Momin ka, har Buzurg ka, har Shaheed ka, har Saleh ka, har Parsa ka......
Magar apni zindagiyon main hidayat or rahnumai sirf Hazrat Mohammad(Sallal Laho Alahae Walay Hi Wasallam)se lain q k unhon ne aap tak apnay zaati ahkamat nahi pohanchaye jo kuch bataya hay wo Allah ka nazil karda hay.......

In Peer-e-Kamil by Umaira Ahmed)

Mohabat

Duniya main buhat kam log aisay hotay jin say aap mohabbat kartay hain...unn say bhi kam log aisay hotay hain jo aap say mohabbat kartay hain...

(In "Hasil" by Umaira Ahmed)

Wajood aur Zaat

"Har aik ko bhikari bana kar rastay me bithaya hua hay,
or har aik khud ko malik samjhta hay.jab tak thokar nahi lagti,
jab tak ghutnoon par nahi girta apni aukaat ka pata hi nahi chaltaa.
wojood kay naseeb main hay bhikari hona bus Zaat bhikari nahi ho sakti. Wojood k muqadar me mangana hay Zaat ka wasaf daina hay.
Main to kia BB! sab bhikari hain.Aj nahi to Kal, Kal nahi to parson
kabhi na kabhi bhikari banna hi parta hay.Mangana hi hota hay.
Koi Ishq mangata hay koi Duniya or jo yeh nahi mangta woh
Khuahish Ka Khatam hona mangata hay."

(In "Shehr-e-Zaaat" by Umaira Ahmed)

Realization

Allah humein kissi moqe par yaad aye na aye ,do moqoon par zaroor yaad aata hai aaik jab ko koi cheez chahiye hoo ya phir koi cheez chen jae"
.......................................

Zindagi main hum kabhi na kabhi uss muqaam per aajatay hain.. jahan saray
rishtay khatam ho jatay hain.. wahan sirf hum hotay hai aur Allah hota hai.. koi
maan baap, koi behan bhaii, koi dost nahi hota.. phir humain pata chalta hai k
humaray pairon talay koi zameen hai na sar pe koi asmaan.. buss sirf aik Allah
hi hai jo is khala mei bhi humain thamay huay hai.. phir pata chalta hai k hum
zameen per padi miiti k dhair main aik zarray ya darakkht per lagay aik patay se
ziada wuqat nahi rakhtay. phir pata chalta k huamray honay ya na honay se sirf
humain farq perta hai.. sirf humara kirdar khatam hojata hai.. kainaat mein koi
tabdeeli nahi atti .. kisi cheez par kooi asar nahi parta…………….Phir hamari aqal
thikanay aajati hai ..

(In "Peer-e-Kamil" (S.A.W) by Umaira Ahmed)

Ishq

"Ishq insan ko kainat k kisi dosry hissay mein la jata hay. Insan ishq majazi se ishq haqeeqi tak safar tab karta ha jab ishq la-hasil rehta hay ,jab insan jholi bhar bhar kar muhabbat karay or khali dil aor hath lay kar phirray..."

(Umaira Ahmed in "Darbare-e-Dil")

1. "Purany faisalu.n per nazar sani karny kii mohlat dunya ko nahin, lakin baykura.n zindagi mai har aawaz, har kurb aur waqt ka har akus moajood hai aur zinda hai aur baqi hai..."

World has no power to tamper with the old decisions but in this infinite life every voice, every woe and every reflection of time is present, is animate and is immortal....

("Aakhir Shab kai Ham Safar" by Qurat-ul-ain Haider)